Ligi Kuu Ya Uingereza, Heshima

Kocha wa Arsenal
Arsene Wenger

                                                                       
Ni wikiendi chungu kwa vigogo wa ligi ya Uingereza pale Chelsea ilipofungwa bao moja bila majibu dhidi ya Birmingham, washika bunduki wa London  Arsenal wameshangazwa  kwa kufungwa bao tatu kwa mbili dhidi ya wapinzani wao jadi Totenham Hotspur na kujikuta wakishuka nafasi ya tatu .Msimu huu Uwanja wa Emirates unaonekana kama Arsenal si uwanja wake wa nyumbani, mashetani wekundu Manchester United wamekamata nafasi ya pili baada ya kuifunga Wigan bao mbili bila majibu.

Kwa matokeo hayo Chelsea inaendelea kushikilia usukani wa ligi kuu ya Uingereza kwa pointi 28 sawa na Manchester United  inayokamata nafasi ya pili kwa pointi 28,Chelsea ina magoli 6 zaidi ya Manchester United.Arsenal ni ya tatu kwa pointi 26 nyuma kwa pointi mbili dhidi ya kinara wa ligi Chelsea.

Wakati huohuo,Bwawa la maini Liverpool imefanya kweli baada ya kuanza vibaya msimu huu kwa kuifunga West ham bao tatu bila majibu na kwa matokeo hayo Westham inashika mkia,ikifuatiwa na Wolves zote zina pointi 9 na Wigan yenye pointi 14.

Matokeo ya mechi za leo katika ligi kuu ya Uingereza yalikuwa kama hivi; Arsenal 2-Totenham 3, Birmingham 1-Chelsea 0, Blackpool 2- Wolves 1, Bolton 5-Newcastle 1, Liverpool 3- Westham 0, Man United 2- Wigan 0, West Brom 0- Stoke 3.
Kesho Jumapili kuna pambano kati ya Blackburn -Aston Villa & Fulham - Man City.

Tujikumbushe,Zamani na mavazi yao

Kwame Nkrumah
Ghana

                   

Mwalimu Nyerere
Tanzania

Jomo Kenyata
Kenya

 Hawa ndio vinara waliodai uhuru kwa mataifa yao ni Ghana iliyoifungua macho Afrika chini ya Mpiganaji Marehemu Kwame Nkrumah-6 March,1957
Tanzania ilipata uhuru chini mkombozi wa Afrika  Marehemu Julius Kambarage Nyerere -9 December,1961
Na Kenya ilipata uhuru chini ya kiongozi na mwanachama wa Mau mau Marehemu Jomo Kenyata-12 Desemba 19, 1963 .

Papa akutana na makadinali

Baba Mtakatifu amekuwa akifanya mkutano usio wa kawaida, kwa kukutana na zaidi ya makadinali 100 kutoka kote duniani, ili kuzungumzia juu ya masuala mbalimbali kuhusiana na sera.



Baba Mtakatifu anakutana na makadinali

Kati ya masuala yanayojadiliwa ni uhuru wa kidini, kukandamizwa kwa Wakristo katika baadhi ya mataifa, na vile vile ugomvi dhidi ya Uchina.

Vile vile kashfa ya watoto kunyanyaswa kimapenzi ni jambo ambalo limo katika orodha ya yale yanayozungumzwa katika mkutano huo.
Suala la kualikwa kwa maaskofu kutoka kanisa la Anglikana na kujiunga na kanisa Katoliki pia litajadiliwa.Mkutano huo utakamilishwa kwa Papa Benedict kuwaidhinisha makadinali 24 wapya, siku ya Jumamosi.

Kuna makadinali ambao wamesinywa sana na suala la kashfa ya ngono inayowahusisha watoto kuzungumziwa katika mkutano huo."Mimi nimechoswa kulizungumzia suala hili, linaniudhi mno", alielezea kadinali Javier Lozano Barragan kutoka Mexico, alipokuwa akizungumza na waandishi wa habari. Aliongezea kusema kwamba: "hii ni dhoruba kabisa katika vyombo vya habari".Msemaji wa Vatikana, Federico Lombardi, amesema hakuna matazamio ya habari kuu ambazo zitajitokeza katika mkutano wa Ijumaa.
Chanzo: http://www.bbc.co.uk/swahili/habari/2010/11/101119_cardinals.shtml

Mjue Lucas Radebe Pt.3



Wakipata baraka za Mzee Madiba,
Lucas Radebe na David Beckham

                                                                   
YEBOAh alijulikana kama mchezaji hatari sana duniani kipindi hicho na kama kocha Clive barker alivyouelezea mchezo huo wa nusu fainali ''ukiondolea mbali pasi ya kipuuzi alioitoa radebe kumpa Yeboah katika dakika kumi za mwanzo ''mwanasoka huyo mkali wa ghana hakupata nafasi hata ya kulichungulia lango la Bafana katika dakika zote 80 zilizobakia'''' inawezekana hii ndio ilikuwa mechi yangu pekee ambayo sijawahi kumuona muafrika kusini akicheza kama vile ''Barker aliongeza''.

maisha yake akiwa hachezi mpira
Ijapokuwa Radebe sio muafrika wa kwanza kucheza mpira katika ligi kuu za nchi mbalimbali za ulaya mchango wake katika uchezaji wa kandanda na mafanikio yake katika uongozi na nidhamu ya hali juu sio tu sio umewapandisha soko wachezaji kutoka afrika bali pia umeleta mwako kwa wanunuzi kuwa na imani ya kwamba afrika inaweza kutoa kipaji kikubwa kiuchezaji na nidhamu.

Radebe ni mwakilishi(balozi) wa fifa kwa ajili ya kijiji watoto maarufu kama sos, vile vile amesaidia sana na jitihada za kupambana na ubaguzi wa rangi katika soka la ulaya
Mwisho.Pt 1: http://mtazamojamii.blogspot.com/2010/11/mjue-lucas-radebe.html
              Pt 2: http://mtazamojamii.blogspot.com/2010/11/mjue-radebe-pt-2.html

Papa Benedict XVI Azitaka Nchi Tajiri Kutokandamiza Nchi Maskini



Kiongozi wa Kiroho Wa Kanisa Katoliki
Papa Benedict XVI


Papa Benedict XVI amesema ana wasiwasi wa mgogoro wa kiuchumi kwa mataifa tajiri kufanya ushirikiano utakao athiri mataifa maskini.Alikuwa akielezea ni makosa gani yaliyotikisa uchumi wa dunia na jinsi ya mataifa yatakavyo ondokana na mgogoro huo, alisema hayo mbele ya umati wa watu katika Viwanja vya Mtakatifu Petro siku ya Jumapili.Benedict alitoa kauli hiyo baada ya kilele  cha mkutano wa G20 uliokuwa Seoul, ambao ulikuwa umetingwa na tofauti  juu ya fedha na biashara.Anasema anafadhaishwa kwa pengo kubwa kati ya nchi  matajiri na maskini, na kwamba mataifa yenye viwanda vingi huhamasisha utumiaji wa mfumo wa maisha wenye kuathiri mazingira na watu maskini..Benedict ameshauri uwiano mpya katika sekta ya kilimo, sekta ya viwanda na sekta ya huduma  ili kufikia maendeleo endelevu hivyo hakutakuwa na ukosefu wa ajira au chakula
 Chanzo:  http://www.wtol.com/Global/story.asp?S=13503953

Rais abainisha Baraza la Mawaziri lijalo

WATANZANIA wamekuwa na ushauri kwa Rais Jakaya Kikwete kwamba atakapounda Baraza la Mawaziri, azingatie kuwa na baraza dogo, lakini lenye dhamira ya kuwatumikia wananchi likiwa na wachapakazi.

Rais Kikwete ameliona hilo, na katika hotuba yake ya kwanza kwa Mkutano wa Kwanza wa Bunge la 10 jana mjini Dodoma, alisema anakusudia kutekeleza matakwa hayo. Katika hotuba yake hiyo, Rais Kikwete alisema, “katika siku chache zijazo nitaunda Baraza la Mawaziri.

Dhamira yangu ni kwamba tupate Serikali makini, yenye watu waadilifu na wachapakazi hodari. Watu wa karibu kufikika na watu ambao watakuwa karibu nanyi wabunge.”

“Watu ambao wataongoza nchi yetu na utekelezaji wa Ilani ya Uchaguzi ya CCM na mipango ya Serikali kwa umahiri mkubwa.

Watu ambao wataondoa urasimu katika Serikali, watakuwa karibu na watu na watashirikiana vizuri na Waheshimiwa Wabunge bila kujali vyama vya siasa wanavyotoka.”

Aliwaomba wabunge wawape ushirikiano ili kwa pamoja kutimiza wajibu kwa wananchi waliowachagua. “Wabaneni kisawasawa panapostahili, wasahihisheni wanapoteleza, lakini pia msiwe wachoyo wa kuwapa sifa wanapofanya vizuri,” alisema Rais Kikwete.

Baada ya uteuzi wa Waziri Mkuu Mizengo Pinda, wananchi wamekuwa na maoni ya kumtaka Rais Kikwete ateue Baraza la Mawaziri dogo, lakini lenye watendaji wanaojali maslahi ya wananchi na waadilifu.

Lakini akionekana kutoa kauli iliyolenga moja kwa moja wabunge wa Chama cha Demokrasia na Maendeleo (Chadema) ambao walitoka nje mara alipoanza kuhutubia jana, Rais Kikwete alisema wabunge hao hawana wa kumlilia zaidi yake, kwani yeye ndiye Rais wa Serikali ya Jamhuri ya Muungano wa Tanzania.

“Watakwenda watarudi, hawana mwingine wa kumlilia kwa yao, isipokuwa Serikali ya CCM ambayo mimi ndiye Rais wake; Dk. Mohammed Gharib Bilal ndiye Makamu wake.

Serikali ambayo Dk. Ali Mohammed Shein ndiye Rais wa Zanzibar, Maalim Seif Sharrif Hamad ni Makamu wa Kwanza wa Rais na Balozi Seif Ali Idd ni Makamu wa Pili wa Rais,” alisema Rais Kikwete na kushangiliwa na wabunge.

Wakati akianza hotuba yake, wabunge wa Chama cha Demokrasia na Maendeleo (Chadema), walitoka nje kwa kile ambacho walieleza juzi kuwa hawatambui matokeo yaliyompa ushindi Rais Kikwete.

Wakati Rais Kikwete anaanza kulihutubia Bunge saa 10:35 jioni, wabunge wote wa Chadema walitoka nje ya Ukumbi wa Bunge na kuthibibitisha minong’ono iliyozagaa mjini hapa kuwa hawatahudhuria hotuba na sherehe za rais kutokana na kutomtambua.

Wabunge wa Chadema wapo 46. Wakati wabunge hao wanatoka wabunge, wengine walizomea na kupiga meza zao huku wakisema ‘CCM, CCM.”

“Naomba nimalize kwa kuwahimiza Watanzania wenzangu kwamba sote, mmoja mmoja na kwa umoja wetu, tuamue kwa dhati kukusanya nguvu zetu, akili zetu na maarifa yetu yote, kama ndugu wa Taifa moja, kuifanya Tanzania kuwa nchi bora ya kuishi.

Maisha bora kwa kila Mtanzania yanawezekana. Inawezekana, Timiza Wajibu Wako,” alisema Rais Kikwete na kushangiliwa tena na wabunge. Katika hotuba hiyo, Rais alizungumzia pia kukua na kustawi kwa demokrasia katika miaka mitano iliyopita.

Alisema ni makusudio ya serikali kuona demokrasia inazidi kustawi na raia wanapata fursa ya kutoa maoni kwa uhuru na uhuru wa vyombo vya habari unaheshimiwa.

“Tutaendelea kusaidia na kuliwezesha Bunge na Mabaraza ya Halmashauri kutimiza wajibu wao ipasavyo. Tumefanya hivyo miaka mitano iliyopita, naahidi kuwa tutajitahidi kufanya vizuri zaidi katika miaka mitano ijayo,” alisema Rais Kikwete.

Aidha, aliahidi kuendelea kuboresha maslahi ya wafanyakazi kwa maana ya mishahara, marupurupu, malipo ya uzeeni na mazingira ya kazi.

Kuhusu rushwa, alisema mapambano dhidi ya rushwa katika miaka mitano iliyopita, yalichukua hatua muafaka za kujenga uwezo wa kisheria, kimfumo na kitaasisi wa kupambana na rushwa nchini.

“Tumetunga sheria mpya kali zaidi na yenye upeo mpana zaidi wa kukabili tatizo hili. Pia tumetunga Sheria ya Gharama za Uchaguzi ya Kuzuia na Kupambana na Rushwa wakati wa uchaguzi.

Tumeunda chombo kipya cha kuzuia na kupambana na rushwa, Takukuru, chenye mamlaka zaidi kisheria na chenye uwezo mkubwa zaidi wa rasilimali watu na vifaa wa kutekeleza majukumu yake,” alieleza.

“Ni ukweli ulio wazi kuwa katika kipindi hiki tuhuma nyingi zimeibuliwa, kuchunguzwa na kufikishwa mahakamani.

Watuhumiwa wengi zaidi wamepatikana na hatia na kuhukumiwa. Rushwa kubwa zimeshughulikiwa na vigogo wamewajibishwa bila kuonewa muhali.”

Hata hivyo, pamoja na hayo, alikiri bado ipo haja ya kufanya zaidi kwani tatizo la rushwa bado ni kubwa.

“Nimesikia, tumesikia na wamesikia kilio cha wananchi cha kutaka tufanye vizuri zaidi. Tutaongeza bidii katika mapambano haya.

"Naomba wananchi waendelee kutuunga mkono na kututia moyo na hasa Takukuru,” alieleza Rais Kikwete akizungumzia mapambano dhidi ya rushwa.

Aliwashukuru wabia wa maendeleo, nchi na mashirika ya kimataifa kwa misaada yao ambayo imesaidia sana kuifikisha Tanzania hapa ilipo.

Aliwaomba wasichoke na waendelee kuisaidia nchi. Lakini alibainisha kuwa miaka si mingi kutoka sasa, hawatakuwa na ulazima wa kufanya hivyo, kwani mwaka hadi mwaka, nchi imeongeza uwezo wake wa kujitegemea, na ushahidi upo.

Awali, katika hotuba yake, Rais Kikwete alimpongeza Anne Makinda kwa kuchaguliwa kuwa Spika wa Bunge, akisema ni ushindi uliostahili kutokana na historia yake iliyotukuka kwa miaka 35 ya kuwa Mbunge na miaka kadhaa ya utumishi wa umma nchini.

“Ni heshima kwako na fahari kwa nchi yetu na kwamba hatuna ajizi katika kuwapa fursa wanawake. Bila ya shaka tumefungua milango kwa wanawake kuweza kuaminiwa kushika nafasi ya juu zaidi ya uongozi wa nchi yetu, Inshaalah,” alisema Rais Kikwete.

Kwa aliyekuwa Spika wa Bunge hilo, Samuel Sitta alimshukuru na kumpongeza kwa kazi nzuri aliyoifanya ya kuliongoza Bunge la Tisa, akisema “atakumbukwa kwa mengi mazuri aliyoyafanya katika kipindi chake.”

Kwa wabunge, aliwatakia kila la heri wakati huu wanapojiandaa kuonesha kuwa kweli wamestahili heshima hiyo, lakini akawaasa, “napenda kuwakumbusha kuwa msijisahau kuwatembelea wapiga kura wenu, kwa maelezo mna shughuli nyingi za Bunge na Kamati zake.

“Wananchi hukasirishwa sana wasipowaona wawakilishi wao wakiwatembelea na kuzungumza nao. Aghalabu hasira zao wanazionesha kwenye uchaguzi. Mkumbuke miaka mitano si mingi,” aliwaeleza.
Chanzo: http://www.habarileo.co.tz/kitaifa/?n=11823

Salim Kajembe Afariki Dunia

KATIBU wa Chama cha Soka Mkoa wa Tanga (TRFA), Salim Kajembe amefariki dunia.

Habari zilizopatikana Dar es Salaam jana na kuthibitishwa na Mwenyekiti wa TRFA, Said Soud ni kuwa Kajembe alifariki jana kwenye hospitali ya Bombo mkoani Tanga kutokana na ugonjwa wa tumbo.

Soud alisema ugonjwa huo ulikuwa ukimsumbua kwa muda mrefu na kuna wakati alienda kutibiwa India, kisha hali yake ikawa nzuri, ingawa siku za karibuni hali ilibadilika tena.

“Ugonjwa wa tumbo ulikuwa unamsumbua kwa muda mrefu, amekuwa akipata nafuu na kuendelea na shughuli zake, ila siku tatu zilizopita hali ilibadilika,” alisema Mwenyekiti huyo.

Alielezea msiba huo kuwa ni pigo kwa wanamichezo mkoani Tanga na Tanzania kwa ujumla, kwani Kajembe ambaye amepata pia kuchezea na kuiongoza timu ya African Sports ya Tanga alikuwa kiongozi mahiri na anayejua majukumu yake.

Alisema marehemu atazikwa leo nyumbani kwake Muheza mkoani Tanga baada ya swala ya Ijumaa.

Kwa mujibu wa Soud, Kajembe aliingia kwenye uongozi wa chama hicho na kukitumikia kwa moyo wote na kuwa miezi ya karibuni aliamua kuandika barua ya kujiuzulu kutokana na sababu za kiafya.

Licha ya kuwa kiongozi wa TRFA, Kajembe ambaye pia amepata kuchezea timu ya soka ya Taifa ya Tanzania ‘Taifa Stars’ miaka ya nyuma, pia amewahi kuwa Mjumbe wa Kamati ya Utendaji ya Shirikisho la Soka la Tanzania (TFF) hadi mwaka 2004.

Athari ya Chadema kutomtambua rais

Kwa mara ya kwanza imejitokeza kwa bunge la Jamhuri ya Muungano kupata mshtuko mkubwa baada ya wabunge toka chama cha Chadema kususia hotuba ya rais. Hii imekuja baada ya chama hicho kutoridhishwa na mwenendo mzima wa uchaguzi uliopelekea kutangazwa Rais Jakaya Kikwete wa CCM kuwa mshindi dhidi ya Dk.Wilbrod Slaa wa Chadema na Prof.Ibrahim Lipumba pamoja na vyama vyengine vilivyoshiriki katika uchaguzi.

Chaguzi nyingi zilizopita tumeona chama cha Cuf kikiwa ni chama pekee kuwa na wabunge wengi wa kambi ya upinzani.Kwa kuwa wengi wa wabunge wa Cuf ni kutoka Zanzibar, ili kuleta sura ya muungano Cuf ilishirikiana na vyama vyengine vya upinzani vyenye wabunge kuunda serikali kivuli ya kambi hiyo.

Uchaguzi wa mwaka huu umeleta muamko mkubwa na kupelekea bunge la mwaka huu kuwa na wabunge wengi wa kambi ya upinzani toka Tanzania Bara  kuliko ilivyozoeleka. Ni vyema kukishukuru chama cha Chadema kwani kilio chao dhidi ya ufisadi ,wananchi wamekisikia na kuwakubali. Matarajio hayakuwa kama yalivyopangwa lakini inatia moyo kwa kiasi kikubwa kwa kuiamsha seikali ili kuwajibika kwa kuwatumikia wananchi zaidi.

Kama chama pekee kinachounda serikali kivuli ya kambi ya upinzani, Chadema imekataa kutambua ushindi wa mgombea urais toka CCM .Hii imejidhihirisha jana wakati rais alipokuwa akianza kulihutubia bunge jipya na wabunge wa Chadema kususia nakutoka nje ikiwa ishara ya kutomkubali kuwa rais.

Shaka inakuja  ya kuwa zoezi hili litakuwa endelevu? na nini athari yake ya kutomtambua rais kwani izingatiwe haki za mwananchi ni muhimu hasa suala zima la kuishi kwa amani na utulivu.Sitaki kuangalia juu ya Chadema kama kiongozi wa serikali kivuli ya kambi ya upinzani kwani natumaini wanajua wanahatarisha nguvu ya upinzani bungeni na kupelekea CCM kuendelea kulitawala bunge. Bali ukitizama kwa sura pana utaona wabunge wa Chadema wana wawakilisha wananchi wa majimbo yao na kutokuwajibika kwao kutakuwa ni kuwadhulumu haki zao za msingi.

Uzoefu unaonesha mara nyingi,hali tete kama hii ikitokea inapelekea kuwa na muafaka ili kulinusuru taifa lisijekuingia katika janga na kuhatarisha amani na utulivu. Kabla hatujafikia huko, Chadema ituhakikishie kuwa hatutolifikisha taifa pabaya kwani tuliyoyaona Zanzibar hatutaki kuyaona Tanzania bara.

Kumbuka chaguzi nyingi visiwani ziligubikwa na utata wa uchakachuaji wa kura na kupelekea chama cha Cuf kutomtambua Dk.Salmin Amour 1995 na Dk.Amani Karume 2000 na 2005, na kusababisha uchumi wa visiwa hivyo kuyumba, wananchi kugawanyika na kutoshirikiana katika mambo ya kijamii na pia umwagaji wa damu na huharibifu wa mali za watu.

Jirani zetu wa Kenya wanalosomo ambalo tunaweza kulipitia kwani uchaguzi wao ulipelekea umwagaji wa damu na uharibifu wa mali za watu hadi kufikia jumuiya ya kimataifa kuingilia kati na kufanya muafaka uliounda serikali ya kitaifa.

Napenda kumalizia kwa maneno ya Mh.Seif Sharif Hamad baada ya mauaji ya Tarime kwa kusema"zamani zanzibar ilikuwa inasoma toka Tanzania bara wanavyoishi kwa amani .Na sasa ni muda wa Tanzania bara kujifunza toka Zanzibar".

Rais Kikwete ahutubia Bunge.

RAIS Jakaya Kikwete, akiwahutubia wabunge, alipozindua Bunge, leo katika ukumbi wa Bunge, Dodoma, Kushoto ni Spika wa Bunge, Anna Makinda na Makamu wa Rais, Dk. Mohammed Gharib Bilal. (Picha na Muhidin Dufiani

   Wabunge wa Chadema wasusia hotuba na kutoka nje                     

Wabunge wa Chadema wakiendelea kutoka Ukumbini wakati Rais alipoanza kuhutubia, jambo ambalo lilimfanya Rais kusita kuanza hotuba yake.

Unyama Dhidi Ya Wafanyakazi wa Ndani Waingia Sura Mpya

Wapelekea mtikisiko wa kidiplomasia kati ya Saudi Arabia na Indonesia
Imekuwa ni jambo la kawaida kusikia wageni wana nyanyasika hasa wafanyakazi wa majumbani  nchini Saudia.Wengi wa waathirika hao ni wanawake kwa kufanyiwa vitendo vya kinyama, kubakwa na hata kutolipwa ujira wao.
Hivi karibuni niliweka video ikionesha wafanyakazi wa majumbani toka Kenya wanavyonyanyasika nchi Saudi Arabia ,unaweza kuangalia: http://mtazamojamii.blogspot.com/2010/11/wafanyakazi-wa-majumbani.html.



Raia Wa Indonesia aliyejeruhiwa vibaya na muajiri wake nchini Saudi Arabia
Sumiati binti Mustapa Salan.

                                                             
Hivi karibuni hali hiyo iliingia sura mpya baada ya mfanyakazi wa ndani toka Indonesia kuumizwa vibaya na  Muajiri wake Mwanamke raia wa Saudi Arabia.Muathirika Sumiati binti Mustapa Salan  amekuwa mara kwa mara akichomwa kwa chuma na kukatwa katwa kwa mkasi na kusababisha kubambuka kwa ngozi mwilini na kichwani ,kuvunjika kidole cha kati,kukatika kope za macho na kipande cha juu cha mdomo kukatwa.Uso wake ulijeruhiwa vibaya na hata miguu kupooza.

Kadhia hii iligundulika baada ya hospitali moja ya mjini Madina kushindwa kumtibu Muathirika hatimaye kutoa uhamisho katika hospitali ya Mfalme Fahad,kwani Sumiati alihitajika matibabu ya kina kutokana na majeraha makubwa.Sumiati ana miaka 23 na alikuwa ana muda wa miezi mitatu tangu aingie Saudi Arabia.

Kiongozi wa chama cha kutetea haki za wafanyakazi wa kiindonesia Didi Wahyed,amesema"Wanataka haki itendeke kwa wafanya kazi wao.Kwa jinsi muathirika alivyotendewa ni kinyume cha uislamu na ubinadamu.Huku ni kutowajibika kwa wakala wa wafanyakazi na tutamshitaki kwa hili".

Rais wa IndonesiaSusilo Bambang Yudhoyono  amemuamrisha waziri wa mambo ya nje kulishugulikia suala hili ipasavyo na kupeleka kikosi kwenda kuchunguza ukweli mjini Madina,Saudi Arabia na pia kutoa msaada wa kisheria kwa Sumiati kwa kumfungulia mashtaka muajiri wake.
Indonesia tayari imemuandikia balozi wa Saudi Arabia kutaka maelezo zaidi.
Chanzo: http://www.allvoices.com/contributed-news/7348775-sumiati-tortured-by-her-employer-in-medina-her-lips-cut-off-and-nearly-paralyzed.
 http://english.aljazeera.net/news/asia-pacific/2010/11/2010111743123857579.html.

Ghailani hakupatikana na hatia ya ugaidi



Ahmed Ghailani

                                                     

Ahmed Khalfan Ghailani, raia wa Tanzania amefutiliwa mbali mashtaka yote ya njama na mashtaka yote ya mauwaji ya kila moja kati ya watu 224 walouliwa wakati wa mashambulio ya mabomu huko Kenya na Tanzania.
Jopo la mahakimu katika mahakama ya serikali kuu huko New York limempata na hatia ya kupanga njama ya kuharibu mali ya taifa la Marekani.
Ghailani alikua mshukiwa wa kwanza kutoka geraza la kijeshi la Guantanamo Bay, kufikishwa mbele ya mahakama ya kiraia kwa mashtaka 285 ya ugaidi kwa kuhusika na mashambulio ya mabomu ya ubalozi wa Marekani huko Nairobi na Dar Ea Salaam mwaka 1998.
Hivi sasa anakabiliwa na kifungo cha miaka 20 jela, na mawakili wake wanasema watakata rufa dhidi ya hukumu hiyo.
Katika taarifa iliyoandikwa waendesha mashtaka walisema, "Tuna heshimu uwamuzi wa mahakimu, na tunaridhika kwamba hivi sasa Ahmed Ghailani anakabiliwa na kifungo kisicho kua chini ya miaka 20 jela na uwezekano wa kupatiwa kifungo cha maisha kwa jukumu lake katika mashambulio ya ubalozi."
Mashahidi wa upande wa waendesha mashitaka walitoa ushahidi kwamba Ghailani alinunua lori lililotumiwa kwa ajili ya kushambulia ubalozi wa Dar es Salaam. Wapelelezi wa FBI waliambia mahakama waligundua mabaki ya miripuko iliyotumiwa katika duka alikofanya kazi mshtakiwa huko Mombasa.
Watetezi hawakusuta tuhuma kama hizo, lakini walimueleza Ghailani kua mtu aliyetumiwa na wale walofanya kitendo cha kushambulia.
Wakili wake Peter Quijano amesema, "Serikali ilibidi kuonesha kwamba alijua nini lengo la wapanga njama au uhalifu ambao anatuhumiwa na lini na wapi alihusika katika baadhi ya mambo yaliyotokea."
Kesi ya serikali ilikumbwa na pigo kubwa kata kabla ya kuanza pale hakimu Lewis Kaplan kukata usahidi kutoka Hussein Abebe, shahidi mkuu wa serikali, ambae alitarajiwa kutoa ushahidi kwamba alimuzia Ghailani miripuko iliyotumiwa katika mashambulio ya mabomu.
Kaplan alisema, haki za kikatiba za Ghailani zilikiukwa kwa sababu Abebe alitajwa kutokana na taarifa aliyotoa Ghailani alipokua anateswa wakati anashikiliwa na Idara ya Ujasusi ya Marekani CIA.
Wachambuzi wanasema uwamuzi huu mahakimu ni pigo kubwa kwa utawala wa Rais Barack Obama na ahadi yake ya kuwafungulia mashtaka washukiwa wote wa ugaidi wanaoshikiliwa katika gereza la Guantanamo, katika mahakama ya kiraia.
Chanzo: http://www.voanews.com/swahili/news/Ghailani-hakupatikana-na-hatia-ya-ugaidi-108845299.html

Viongozi Wakuu wa Mihimili Ya Dola Tanzania

                                Mheshimiwa Mizengo Pinda aapishwa

                                           

   Rais wa Jamuhuri ya Muungano wa Tanzania Dkt. Jakaya Kikwete akimwapisha Waziri Mkuu Mizengo Pinda katika viwanja vya Ikulu ya Chamwino leo Dodoma.

Wakuu wa Dola

 Toka shoto mbele ni Rais wa Zanzibar Dk.Ali Mohamed Shein,Makamu wa Rais Serikali ya Muungano wa Dk.Mohamed Gharib Bilal,Rais wa Jamhuri ya Muungano Dk.Jakaya Kikwete,Waziri Mkuu Mh.Mizengo Pinda na Makamu wa Kwanza wa Rais Zanzibar Mh.Seif Sharif Hamad.Toka shoto nyuma ni Jaji Mkuu wa Serikali ya Muungano Mh.Augustino Ramadhani,Spika wa Bunge laJamhuri ya Muungano Mh.Anne Makinda,Makamu wa Pili wa Rais Zanzibar Mh.Idd Seif,Mwanasheria Mkuu wa Serikali ya Jamhuri ya Muungano Jaji Fredrick Werema na Katibu Mkuu Kiongozi Mh.Philemon Luhanjo.

Viongozi wa Sasa na Wastaafu

Rais Jakaya Kikwete akiwa katika picha ya pamoja na Waziri Mkuu Mizengo Pinda (wa pili kulia mstari wa kwanza) baada ya kumwapisha,Ikulu ya Chamwino-Dodoma pamoja na Rais mstaafu wa awamu ya pili Alli Hassan Mwinyi (wa kwanza kulia) na Makamu wa Rais Dkt Mohamed Garib Billal (wa kwanza kushoto mstari wa kwanza), wengine ni kutoka kushoto mstari wa pili ni Mawaziri wakuu wastaafu John Samwel Malecela, Edward Lowassa na Frederick Sumaye.

Job Ndugai ndiyo Naibu Spika

Naibu Spika Mpya Mh.Job Ndugai

                                                                                 
Mheshimiwa Job Ndugai mbunge wa Kongwa ametangazwa kuwa Naibu Spika wa  bunge la Jamhuri ya muungano wa Tanzania.Ameshinda kwa kura 276 sawa na 84% dhidi ya mpinzani wake Mh.Mustapha Akonay.
Habari zaidi toka bungeni zinasema Mh. Job Ndugai ameshaapa na anakuwa naibu spika wa Jamhuri ya Muungano wa Tanzania, rasmi.

Bunge Lathibitisha Uteuzi Wa Waziri Mkuu

Waziri Mkuu Mh.Mizengo Pinda

Hatimaye Bunge lathibitisha kwa kishindo uteuzi wa Waziri Mkuu, muda mchache baada ya Rais wa Jamhuri ya muungano wa Tanzania Dk.Jakaya Kikwete.
Hivyo basi, Mh.Mizengo Pinda mbunge wa jimbo la Katavi ameweza kufanikiwa kuendelea kuwa Waziri Mkuu kwa mara ya pili. Ushindi wake umekuja kwa kupigiwa kura 277 za ndiyo na 49 za hapana.

Waziri mkuu Mh.Mizengo Pinda anatarajiwa kesho kuapishwa na Rais Jakaya Kikwete katika ikulu ndogo ya Chamwino.

Rais Amteua Mh.Mizengo Pinda Kuwa Waziri Mkuu

Mbunge wa Jimbo La Katavi-Mh.Mizengo Pinda
Waziri Mkuu Mteule

Rais wa Jamhuri wa Muungano wa Tanzania Dk.Jakaya Mrisho Kikwete amemteua Mh.Mizengo Pinda kuwa Waziri Mkuu .
Kwa mujibu wa sheria ya nchi, inasubiriwa bunge kuthibitisha uteuzi  wake hii  leo .
Wakati huo huo, leo ndio siku ya kumchagua naibu spika wa bunge la jamhuri ya Muungano wa Tanzania.
Wagombea wa nafasi ya Unaibu spika ni Mh.Job Ndugai kwa tiketi ya CCM na Mh.Mustapha Akonay toka CHADEMA.
Ikiwa bunge litampitisha Mh.Mizengo Pinda ,Waziri Mkuu ataapishwa kesho ikulu ndogo ya Chamwino.
Na mchakato wa kupata baraza la mawaziri utafuata baada ya mashauriano baina ya Rais, Makamu wa Rais na Waziri Mkuu.
Baraza la Mawaziri linatarajiwa kutangazwa siku ya Ijumaa.

Mjue Radebe Pt 2

Nahodha wa Leeds
Lucas Radebe

ASHAMBULIWA
wakati nafasi ya kwenda kucheza mpira uingereza ilipokujamwaka 1994, Radebe aliipokea kwa mikono miwili. na uamuzi wake uhuo ulishinkizwa na tukio lilitokea miaka mitatu iliyopita katika maisha yake.
Radebe akiwa njiani kwenda kumnunulia mama yake vitu mbalimbali madukani,huku akishindikizwa na kaka zake ,,mmoja kati ya dada zake na mtoto wakike wa dada huyo walisikia mlio wa bunduki (bastola) ukilia , lakini kwakuwa ni kawaida katika kitongoji cha soweto kusikia mlio wa bunduki iliwafanya wasitilie maanani.kilichofuatia Radebe alisikia maumivu makali mgongoni ,huku akiona damu zikimchuruzika na mguu akichuchumia .Wazo la kwanza lililomjia mwanasoka huyu ni kuwa huo ndio ulikuwa mwisho wake wa kusakata kabumbu.Radebe alikimbizwa hospitali na chakushangaza zaidi hakukuwa na kiungo chochote muhumu ambacho kiliadhirika ila risasi ilikuwa imengia mgongoni na kutokea sehemu ya kati ya kiuno chake.Haikujulikana ni nani aliyefanya shambulio hilo ila inasemekana kitendo chake cha kuhama timu ya ICL ya BOPHUTWASANA na kwenda kaizer chiefs kilihisiwa ndio sababu kuu.
' THE CHIEF' (jina alilopewa akiwa leeds united)
mwezi wa tisa mwaka 1994 ,radebe na PHILEMON ''chippa ''Masinga walihamia Leeds united .Radebe aliuzwa kwa paund za uingereza 250,000 kama msindikizaji tu wa Philemon ,sio kutokana nakipaji cha soka bali kuwa pamoja na philemon ili asijihisi upweke.
Kocha wa leeds kipindi hicho Howard Wilkinson kwa haraka aligundua kipaji cha Radebe kutokana na uwezo wake wa kutumia nguvu na akili na akamuhamishia nafasi ya mlinzi wa kati akitokea kama kiungo .
radebe alisumbuliwa na kuumia mara kwa mara kipindi alipojiunga Leeds na usumbufu mwingine ulitokana na kutoelewana na kocha Howard .mara tu alipofunzwa kocha Howard ,kocha mpya George Graham alimpa nafasi nyota huyu wa afrika ya kusini ang'are . nahii ilikuwa ni nafasi radebe alikuwa akiisubiri kwa hamu.
''THE Chief'' kama wanavyomwita washabiki wa leeds united kwa haraka alijiwekea jina na kuonyesha mchezo mzuri na kipaji cha hali ya juukwa ufahamu wake wa mfumo wa uchezaji wa leeds ,uwezo wake wa kukaba adui na jinsi gani alivyokuwa na utulivu pale anapopandana na adui wa timu pinzani.
mwaka 1998/1999 radede alichaguliwa kuwa nahondha wa leeds united na kocha george Graham (kuna wanao sema kocha Graham alimpenda radebe kutokana na uwezo wake wa kucheza kama mlinda mlango pale wanapokuwa na tatizo hilo katika mechi za ligi kuu).
Graham aliondoka Elland ambapo timu hiyo ina makao yake makuu na kocha mpya David O'leary alichukua nafasi yake mwezi wa nane mwaka 1998.Kocha huyu mpya kwanza alichofanya ni kuiomba bodi ya klabu ya Leeds kumpa Radebe mkataba wa kudumu mpaka atakapokuwa kipaji chake kimekwisha ,kocha huyu alikuwa msaidi wa kocha George Graham hivyo alijua ni jinsi gani muafrika kusini huyu mchango wake katika klabu na katika kauli yake alioielezea bodi ya Leeds ''Lucas anatakiwa awekwe kwenye jiwe na asiruhusiwe kuhama ''aliongeza.
""The Chiefs ''alitia mkataba wa miaka minne kuichezea timu ya leeds
na msimu wa 1998/1999 leeds ilifikisha mafanikio ya ke ya juu kumaliza nafasi ya nne katika ligi kuu ya uingereza hivyo kufaulu kuchezea kombe la bara la ulaya.na mwaka uliofuatia Leeds ilishika nafasi ya tatu na kufanikiwa kufika nusu fainali ya kombe la bara la ulaya .Mwaka 2000 radebe aliumia goti na kifundo cha mguu tattizo lililomfanya asicheze mpira kwa zaidi ya miaka miwli ...inaeendelea

Soma sehemu ya kwanza: http://mtazamojamii.blogspot.com/2010/11/mjue-lucas-radebe.html

Wsudani Kusini Waanza kujiandikisha Kura Ya Maoni

Wapiga kura wa Sudan waanza kujiandikisha

 Rais wa Sudan ya Kusini Salva kiir

Wasudan wanaoishi nchi za nje wanataka vituo vya upigaji kura viongezwe kuanzia Marekani,Uganda, hadi kufikia Australia

Raia wa Sudan kusini hii leo wanaanza kujiandikisha kuwa wapiga kura ili kushiriki katika kura ya maoni Januari 9 mwakani, itakayoamua kama wajitenge na eneo la kaskazini ama waendelee kubakia nchi moja. Zoezi hilo linafanyika siku moja baada ya mkuu wa tume inayoandaa kura hiyo ya maoni kuwanyoshea kidole cha lawama wafadhili wa kigeni kwa kutotuma fedha kwa ajili ya matayarisho ya kura hiyo.
Raia milioni tano wa Sudan wanaombwa kujiandikisha kwenye daftari la wapigaji kura katika zoezi linaloanza leo na kuendelea hadi Desemba mosi mwaka huu. Tume inayosimamia kura hiyo ya maoni imeweka vituo takriban 2,800, vyote vikiwa kusini mwa Sudan, isipokuwa 165. Wasudan wa kusini wanaoishi kaskazini wanaokadiriwa kuwa kati ya 500,000 na milioni mbili, wana haki ya kupiga kura.
Umoja wa Mataifa umesaidia kutoa msaada wa uratibu kwa kusafirisha fomu za kupigia kura katika maeneo mbalimbali ya Sudan, hususan katika maeneo ya vijijini. Huku mchakato wa kuwaandikisha wapigaji kura ukitarajiwa kufanyika vizuri kusini mwa Sudan, hali huenda ikawa ngumu huko kaskazini. Mkurugenzi wa kitengo cha Umoja wa Mataifa kinachohusika na kura za maoni na uchaguzi, Denis Kadima, amesema hawajui kama maafisa watakaowaandikisha wapigaji kura wameelewa walichofundishwa wakati wa mafunzo.
Shirika la kimataifa la uhamiaji, IOM, litasimamia uandikishaji wa Wasudan wanoishi katika nchi za nje,huku vituo vikiekwa katika nchi nane: Australia, Uingereza, Canada, Misri, Ethiopia, Kenya, Uganda na Marekani. Hata hivyo msemaji wa shirika la IOM, George Benjamin amesema uandikishaji wa wapigaji kura utachaleweshwa kwa siku kadhaa nchini Misri, nyumbani kwa jamii kubwa ya Wasudan wanaoishi nje ya Sudan, kwa sababu serikali haijalipa kibali shirika hilo.
Mohammed Ibrahim Khalil, mkuu wa tume inayosimamia maandalizi ya kura ya maoni kuhusu uhuru wa Sudan kusini, amesema zoezi hilo litachelewa pia nchini Marekani na Australia kwa sababu raia wa Sudan kusini wanaoishi huko wametaka kuwekwe vituo zaidi vya kujiandikisha.

Kwa upande mwingine Khalili amesema wafadhili wa kigeni wamekwamisha maandalizi kwa kutotuma fedha kwa waandalizi na kutumia fedha vibaya kwa misaada isiyo na manufaa. Akizungumza na waandishi wa habari mjini Khartoum hapo jana, Khalil aliikosoa jumuiya ya kimataifa kwa kutotoa fedha moja kwa moja kwa tume inayosimamia kura ya maamuzi kwa mujibu wa sheria.
Serikali ya Sudan imeipa tume hiyo paundi milioni 9 za Sudan na serikali ya Sudan kusini kwa upande wake imetoa paundi milioni 10. Lakini wafadhili wa kimataifa hawaishauri kabisa tume hiyo katika kazi zao nyingi wanazofanya.
Wakati huo huo, kiongozi wa tume ya pamoja ya Umoja wa Mataifa na Umoja wa Afrika, inayolinda amani katika jimbo la Darfur, Ibrahim Gambari, ameonya kwamba hali ya wasiwasi kati ya kaskazini na kusini mwa Sudan huenda ikaenea hadi eneo la magharibi. Gambari amesema UNAMID na tume ya Umoja wa Mataifa nchini Sudan, UNAMIS, zimeweka mipango maalumu kuzuia kutokea machafuko kati ya kusini na kaskazini kabla kufanyika kura ya maoni Januari 9 mwaka ujao.
Chanzo:Dw Swahili

Wafanyakazi wa Majumbani Wanavyonyanyasika Saudia

Baraza la Mawaziri latajwa Zanzibar

Kwa mujibu wa uwezo aliopewa chini ya Vifungu 42 (1) na (2), 43 (1) na (2) na 47 vya Katiba ya Zanzibar ya Mwaka 1984, Rais wa Zanzibar na Mwenyekiti wa Baraza la Mapinduzi Mheshimiwa Dkt. Ali Mohamed Shein ameunda Wizara 16 na kuwateua Wajumbe wa Baraza la Mapinduzi, Mawaziri na Naibu Mawaziri kama ifuatavyo:
1. Ofisi ya Rais na Mwenyekiti wa Baraza la Mapinduzi Ikulu.
Waziri wa Nchi Ofisi ya Rais na Mwenyekiti wa Baraza la Mapinduzi-
Mhe. Dr. Mwinyihaji Makame
2. Ofisi ya Rais (Fedha, Uchumi na Mipango ya Maendeleo)
Waziri wa Nchi, Ofisi ya Rais (Fedha, Uchumi, na Mipango ya Maendeleo)
Mhe. Omar Yussuf Mzee
3. Ofisi ya Rais, (Utumishi wa Umma na Utawala Bora)-
Waziri wa Nchi Ofisi ya Rais (Utumishi wa Umma na Utawala Bora)
Mhe. Haji Omar Kheri
4. Ofisi ya Makamo wa Kwanza wa Rais
Waziri wa Nchi Ofisi ya Makamo wa Kwanza wa Rais
Mhe. Fatma Abdulhabib Fereji.
5. Ofisi ya Makamo wa Pili wa Rais-
Waziri wa Nchi Ofisi ya Makamo wa Pili wa Rais
Mhe. Mohammed Aboud Mohammed
6. Wizara ya Katiba na Sheria
Mhe. Aboubakar Khamis Bakary.
7. Wizara ya Miundombinu na Mawasiliano
Mhe. Hamad Masoud Hamad
8. Wizara ya Elimu na Mafunzo ya Amali
Mhe. Ramadhan Abdulla Shaaban
9. Wizara ya Afya
Mhe. Juma Duni Haji
10. Wizara ya Ustawi wa Jamii na Maendeleo ya Wanawake na Watoto
Mhe. Zainab Omar Mohammed
11. Wizara ya Habari, Utamaduni, Utalii na Michezo
Mhe. Abdilahi Jihad Hassan
12. Wizara ya Ardhi, Makaazi, Maji na Nishati-
Mhe. Ali Juma Shamhuna
13. Wizara ya Kilimo na Maliasili
Mhe. Mansoor Yussuf Himid
14. Wizara ya Biashara, Viwanda na Masoko
Mhe. Nassor Ahmed Mazrui
15. Wizara ya Mifugo na Uvuvi
Mhe. Said Ali Mbarouk
16. Wizara ya Kazi, Uwezeshaji Wananchi Kiuchumi na Ushirika
Mhe. Haroun Ali Suleiman
17. Mjumbe wa Baraza la Mapinduzi na Waziri Asiekuwa na Wizara Maalum
Mhe. Suleiman Othman Nyanga
18. Mjumbe wa Baraza la Mapinduzi na Waziri Asiekuwa na Wizara Maalum
Mhe. Haji Faki Shaali
19. Mjumbe wa Baraza la Mapinduzi na Waziri Asiekuwa na Wizara Maalum
Mhe. Machano Othman Said
Aidha Rais wa Zanzibar na Mwenyekiti wa Baraza la Mapinduzi Mhe. Dkt. Ali Mohammed Shein ameteua Naibu Mawaziri kama ifuatavyo:
1. Naibu Waziri, Wizara ya Miundombinu na Mawasiliano
Mhe. Issa Haji Ussi
2. Naibu Waziri, Wizara ya Elimu na Mafunzo ya Amali
Mhe. Zahra Ali Hamad
3. Naibu Waziri, Wizara ya Afya
Mhe. Dr. Sira Ubwa Mamboya
4. Naibu Waziri, Wizra ya Habari, Utamaduni, Utalii na Michezo,
Mhe. Bihindi Hamad Khamis
5. Naibu Waziri, Wizara ya Ardhi, Makaazi, Maji na Nishati
Mhe. Haji Mwadini Makame
6. Naibu Waziri, Wizara ya Biashara, Viwanda na Masoko,
Mhe. Thuwaiba Edington Kissasi
Waheshimiwa wote waliotajwa wanatarajiwa kuapishwa hapo kesho jioni katika viwanja vya Ikulu mjini Zanzibar.
Naomba kuwasilisha
Chanzo:Mzalendo.net

Eid Al Hajj- Dubai

                       Eid Katika Msikiti wa Nad Al Sheba-Dubai                       

Waumini wakiswali Swala Ya Eid



Imamu akitoa hotuma ya Swala ya Eid



                                                                                                                  



Waumini wakisikiliza hotuba ya Eid

Waumini wakisalimiana nakutoka
baada ya swala ya Eid



Tofauti Ya matajiri na Maskini Yajitokeza Wakati wa Hijja

Kwa zaidi ya idadi ya watu bilioni  moja duniani Hija ina maana ya kuwa sawa: kuondosha ukabila, utaifa na tofauti za kiuchumi.Hija  ni jambo la faradhi kwa Muislamu kwa yule mwenye uwezo wa kwenda, na huwa mara moja katika maisha ya kila Muislamu.Tofauti huondoka wakati wa Hija  kwa kuvaa vazi aina moja , kufanya ibada kwa imani moja.
Wote ni sawa kwa Mungu.
Hivi karibuni Mahujaji toka Emirates walilalamika juu ya huduma duni walizopatiwa wakiwa huko Mecca hasa udogo wa vyumba na muda wakupata mlo. 

Waziri Wa Mawasiliano India Ajiuzulu

Waziri wa mawasiliano wa India, Andimuthu Raja hatimaye ameachia ngazi kutokana na kashifa ya utoaji wa leseni  ya biashara kwa kampuni ya mawasiliano kwa thamani ndogo.
Kujiuzulu kwa Raja siku ya Jumapili  ni baada ya shinikizo kubwa kufuatia uchunguzi wa serikali na kukuta kuwa uuzaji wa  wigo wa wayalesi wa 2G ulisababisha hasara 1.76 trillioni rupia ($ 39billioni) kwa hazina.

Chanzo: http://english.aljazeera.net/news/asia/2010/11/20101115932966910.html

Tujikumbushe, Omar Rashid Nundu

Mhandisi Omari Nundu(Akipokea zawadi toka kwa mwenyekiti wa bodi ya TCCA   Mh.Mwantumu Malale baada ya kuteuliwa kwa mara ya kwanza) amechakwa mara ya pili kuwa Rais wa tume ya Ufundi ya Shirika la  kimataifa la  usafiri wa anga Duniani.

 Tukio hili lilitokea  mwaka 2007  na baadae mwaka 2008 akateuliwa tena kukalia kiti hicho, na amekuwa mwafrika wa kwanza kupata nafasi hiyo kwa kipindi cha miaka 29 iliyopita.
Kwa kuchaguliwa kwa mara ya pili kwa nafasi hiyo,Mhandisi anavunja kawaida ya miaka mingi kwamba nafasi hiyo inashikwa kwa kipindi kimoja tu.

Omari Nundu, Mbunge mteule toka jimbo la Tanga Mjini  katika kipindi hiki  cha mpito kuelekea kuteuliwa baraza la mawaziri kwa sifa zake hizo anafaa kuingia katika baraza jipya la mwaziri.
Mheshimiwa Rais Jakaya Kikwete, huyo ni miongoni mwa waziri watakao kusaidia sana katika uongozi wako hasa katika marekebisho ya uendeshaji wa shirika la ndege ATCL.

Desemba 9 mwaka huu Taifa litatimiza miaka 49 ya Uhuru  tukiwa tunajivunia amani na utulivu, tunaomba changamoto ya kuwa na shirika la ndege lenye nguvu kuweza kushindana na mataifa jirani ya Kenya  na Rwanda.

Kinyang'anyiro Cha Unaibu Spika ni Ndugai - CCM Na Mustapha Akonay -Chadema



Job Ndugai-CCM

MBUNGE wa Kongwa, Job Ndugai amechaguliwa na CCM kugombea Unaibu Spika wa Bunge kwa kupata ushindi wa kura  197 za ndiyo  kati ya 199 zilizopigwa, huku moja ikiharibikana nyingine ikimkataa. Alipigiwa kura ya ndiyo au hapana kutokana na wagombea wawilikujitoa, hivyo kubaki pekee.Katibu wa Halmashauri Kuu ya Taifa ya CCM, Itikadi na Uenezi, John Chiligati, alisema leo kuwa, mkutano wa Kamati ya Wabunge wa CCM imempa ushindi wa kishindo Ndugai, aliyekuwa Mwenyekiti wa Bunge lililopita.



Mustapha Akonay -Chadema

 Kwa upande wake, CHADEMA imemteua Mbunge wake wa jimbo la  Mbulu, Mustapha Akonay, kuwania unaibu spika.
Uchaguzi wa Naibu Spika wa Bunge utafanyika Jumanne ijayo, ambapo kesho saa 10 jioni ni siku ya mwisho ya kuwasilisha majina ya wagombea wa nafasi hiyo katika Ofisi ya Bunge mjini Dodoma.  

Chelsea Yalala 3 Kwa Nunge Dhidi Ya Sunderland

Siku chache baada ya kuvunja ndoa na kocha msaidizi Ray Wilkins,timu ya Chelsea imejikuta ikipata kichapo cha mbwa mwizi kwa kufungwa mabao 3 na sunderland bila majibu.
Wakicheza uwanja wa nyumbani,chelsea imeshindwa kufurukuta mbele ya watazamaji 42,072.


Ray Wilkins

Hata hivyo ,Chelsea inaendelea kushika usukani wa ligi  kuu ya uingereza kwa pointi 28 ikifuatiwa na Arsenal pointi 26 na Manchester United pointi 25.Wakati huo huo,Westham inaendelea kushika mkia ikiwa ina pointi 9 sawa na wolverhampton ila kwa tofauti ya goli  moja huku  Birmingham ikiwa na pointi 13 nakuwacha kwa pointi 4.

Matokeo ya mechi za wikiendi hii ni Chelsea 0- Sunderland 3, Everton1-Arsenal 2 , Aston Villa 2- Manachester United 2, Man City 0- Birmingham 0, Newcastle 0- Fulham 0, Stoke 2- Liverpool 0, Totenham 4- Blackburn 2, Westham 0- Blackpool 0, Wigan 1- West Brom, Wolverhampton 2- Bolton 3.

Manny Pacquiao The Politician ,The Boxer

Manny Pacquiao began his political career by being elected to Congress in the Phillippines. See some of the challenges he faces being a world-class athlete and a politician.

And the answer is
Manny Pacquiao wins 8th world title
              
            

In a spectular performance before a delighted crowd of 41,734 at Cowboys Stadium, Pacquiao cemented his claim to being the best fighter in the world by dominating the bigger but slower Margarito almost from the opening bell. Pacquiao won round after round, opening a cut on Margarito's cheek, closing his right eye, and turning his face into a bloody mess.

The beating was so thorough that the congressman from the Philippines turned to referee Laurence Cole several times in the 11th round, imploring him to stop the fight. It went on, though, even though Margarito had no chance to win.

"I can't believe that I beat someone this big and this strong," Pacquiao said. "It's hard. I really do my best to win the fight."